78 տարեկանում մահացել է ռուս դերասանուհի Նատալյա Կրաչկովսկայան։ Կադրեր ենք ներկայացնում այն ֆիլմերից, որոնցում խաղացել է սիրված դերասանուհին
Նատալյա Կրաչկովսկայան ծնվել է Մոսկվայում դերասանուհի Մարիա Ֆոնինայի ընտանիքում։ Մայրը ցանկացել է, որ աղջիկն արխիվագետ դառնա, բայց դպրոցն ավարտելուց հետո Նատալյան փաստաթղթերը տարել է Կինեմատոգրաֆի համառուսական պետական ինստիտուտ և ընդունվել։ Ճիշտ է` երկար չի սովորել, ապագա դերասանուհին վրաերթի է ենթարկվել և ժամանակավորապես կորցրել է տեսողությունը։
Նատալյային ճանաչում է բերել «12 աթոռ» ֆիլմը, որում նա մարմնավորվում էր մադամ Գրիցացուևայի կերպարը։ Ֆիլմի ռեժիսոր Լեոնիդ Գայդայը երկար ժամանակ չէր կարողանում հարմար տիպաժ գտնել։ Նա ցանկանում էր ընտրել հնչյունային օպերատոր Վլադիմիր Կրաչկովսկու կնոջը նման մեկին։ Արդյունքում Վլադիմիրն առաջարկել է Գայդային այդ դերում վերցնել իր կնոջը։
Կրաչկովսկայան շարունակել է համագործակցությունը Գայդայի հետ «Իվան Վասիլևիչը փոխում է մասնագիտությունը», «Չի կարող պատահել», «Դերբասովսկում լավ եղանակ է կամ Բրայտոն Բիչում կրկին անձրև է գալիս» ֆիլմերում։
Նատալյա Կրաչկովսկայան խաղացել է ավելի քան 70 ֆիլմում, դրանք հիմնականում էպիզոդիկ, բայց կոլորիտային դերեր են եղել։
