ԵՐԵՎԱՆ, 3 մարտի- Sputnik. Վերջին օրերին Բուենոս Այրես նահանգի ափերի մոտ 23 սատկած դելֆին է հայտնաբերվել, հայտնել է Mundo Marino հիմնադրամը։
Կազմակերպության տվյալով` սատկած դելֆինների վրա ձկնորսական ցանցերի հետքեր են եղել։
«Մենք հավաքել ենք դելֆիններից 17-ի լեշերը (մյուսներն արդեն փտած են եղել) և հետազոտություն անցկացրել` այդ զանգվածային և մտահոգություն առաջացնող միջադեպի պատճառները պարզելու համար»,- ասվում է հիմնադրամի Facebook-ի էջում։
Գիտնականները արգենտինացիներին հորդորել են դելֆինների լեշեր հայտնաբերելու դեպքում հայտնել իրենց և ուղարկել լուսանկարները։
Արգենտինայի, Ուրուգվայի և Բրազիլիայի ափերի մոտ շուրջ 40 հազար դելֆին կա, սակայն ամեն տարի տարբեր պատճառներով հարյուրավոր դելֆիններ են սատկում։
