ԵՐԵՎԱՆ, 2 մարտի — Sputnik. Հայաստանի հետ բանակցությունները կանցկացվեն Բելառուսի հետ ստեղծված միջպետական ֆինանսաարդյունաբերական «Պաշտպանական համակարգեր» խմբին Հայաստանի անդամակցության նպատակով:
ՌԴ նախագահ Վլադիմիր Պուտինի համապատասխան հրահանգըհրապարակվել է իրավական տեղեկատվության պաշտոնական կայքում:
«Ընդունել ՌԴ կառավարության առաջարկը միջպետական ֆինանսաարդյունաբերական «Պաշտպանական համակարգեր» խմբի ստեղծման վերաբերյալ ՌԴ-ի և Բելառուսի Հանրապետության կառավարությունների միջև կնքված համաձայնագրին Հայաստանի Հանրապետության կառավարության միացման վերաբերյալ համաձայնագրի կնքման նպատակով Հայաստանի հետ բանակցություններ անցկացնելու մասին», —ասված է փաստաթղթում:
«Պաշտպանական համակարգեր» ԲԲԸ-ն ստեղծվել է 1996թ.-ին գլխամասային կոնստրուկտորական բյուրոների, գիտահետազոտական ինստիտուտների և ձեռնարկությունների` առարկայական ՀՕՊ միջոցների և համակարգերի նախագծողների և պատրաստողների կողմից: Զուգահեռաբար գործում է համանուն ռուս-բելառուսական միջպետական ֆինանսաարդյունաբերական խումբը, որը ստեղծվել է բաժնետիրական ընկերության հիմքի վրա:
