ԵՐԵՎԱՆ, 1 մարտի — Sputnik. Ղարաբաղյան հակամարտության ստատուս-քվոն չի կարող հավերժ մնալ, լրագրողներին Երևանում ասաց ԵՀ փոխնախագահ Ֆեդերիկա Մոգերինին։
«Ղարաբաղյան հակամարտության խաղաղ կարգավորումը ԵՄ-ի համար առաջնային հարց է, ստատուս-քվոն անկայուն է, և մեր կարծիքով` չի կարող պահպանվել», — ասաց Մոգերինին։
Նրա կարծիքով` բացառվում է հակամարտության ռազմական լուծումը։ ԵՄ-ն աջակցում է ԵԱՀԿ ՄԽ ջանքերին Մադրիդյան սկզբունքի իրականացման հարցում։ Նա նշեց, որ ներկա իրավիճակում կարևոր է նվազեցնել լարվածությունը, զերծ մնալ ռազմական հռետորաբանությունից ու բռնության աճից, ինչը խանգարում է հակամարտության խաղաղ կարգավորմանը։
Մոգերինին հաստատեց, որ ԵՄ-ն աջակցում է ԵԱՀԿ ՄԽ-ին նաև սահմանին միջադեպերի ուսումնասիրման մեխանիզմներ ստեղծելու հարցում։ Հայաստանի ԱԳՆ ղեկավարն իր հերթին համաձայնեց, որ ստատուս-քվոն ոչ մեկի շահերից չի բխում։
«Իրավիճակի սրմանը նպաստող ապակառուցողական քայլերը, հիմնահարցի բացառապես խաղաղ կարգավորման հանձնառության մերժումը, բանակցային ձևաչափի փոփոխման գործերը, հետաքննության մեխանիզմի ստեղծումից հրաժարվելը և ռազմատենչ հռետորաբանությունը վնասակար է և նպաստում է հենց ստատուս-քվոյի երկարաձգմանը», — ասաց Նալբանդյանը։
