ԵՐԵՎԱՆ, 1 մարտի — Sputnik. ԱԺ նախագահ Գալուստ Սահակյանը բուժումից հետո առաջին անգամ աշխատանքի է գնացել։
Ինչպես Facebook սոցցանցի իր էջում գրել է խորհրդարանի հասարակայնության հետ կապերի վարչության պետ Արսեն Բաբայանը, Գալուստ Սահակյանի առողջական վիճակը գնահատվում է լավ։
«Հավելեմ, որ խորհրդարանի ղեկավարի առողջական վիճակը թույլ է տալիս անցնել աշխատանքի», — նշել է Բաբայանը։
Ավելի վաղ հայտնի էր դարձել, որ հայկական խորհրդարանի ղեկավարի մոտ ախտորոշվել էր գլխուղեղի արյան շրջանառության անցողիկ խանգարում։
Ենթադրվում է, որ Սահակյանը խորհրդարանի խմբակցությունների ներկայացուցիչների հետ միասին կհանդիպի ԵՄ արտաքին քաղաքականության և անվտանգության հարցերի Գերագույն ներկայացուցիչ, ԵՀ փոխնախագահ Ֆեդերիկա Մոգերինիի հետ։
