ԵՐԵՎԱՆ, 1 մարտի — Sputnik. Դերասան Լեոնարդո Դի Կապրիոն, որն այս տարի վերջապես «Օսկար» մրցանակի արժանացավ տղամարդու լավագույն դերակատարման համար, քիչ էր մնացել` բաղձալի արձանիկը մոռանար ռեստորանում, գրում է ՌԻԱ Նովոստին` հղում անելով TMZ կայքին։
Կայի հրապարակած տեսանյութում երևում է, թե ինչպես է Դի Կապրիոն հաղթանակը տոնում Ago ռեստորանում, խմում ու սիգար ծխում։ Հետո դուրս է գալիս ռեստորանից, նստում լիմուզինն, ու այդ պահին ինչ-որ մեկը դուրս է վազում ռեստորանից` նրա «Օսկարը» ձեռքին։ Ինչպես գրում է կայքը, երևում է` Դի Կապրիոն արձանիկը մոռացել էր ռեստորանում։
«Կցանկանայի՞ք վերցնել ձեզ հետ»,- Դի Կապրիոյին է ասել արձանիկը բռնած տղամարդը։ Դերասանը խնդրել է «Օսկարը» փոխանցել լիմուզինի առաջամասում նստած տղամարդուն, իսկ ինքը մեկ այլ տղամարդու ձեռքից վերցրել է փակ շիշը։
