ԵՐԵՎԱՆ, 28 փետրվարի — Sputnik. Ջեբհաթ ան Նուսրա ահաբեկչական խմբավորումը Լաթաքիայում գնդակոծել է սիրիական աշխարհազորայինների «Անապատի բազեներ» ջոկատը: Վիրավորներ ու զոհեր կան աշխարհազորայինների ու խաղաղ բնակիչների թվում, հայտնում է ՌԴ ՊՆ-ն կիրակի:
«Լաթաքիայի Կբանա բնակելի տարածքում Ջեբհաթ ան Նուսրա միջազգային ահաբեկչական կազմակերպության գրոհայինները «չափավոր» ընդդիմության կողմից վերահսկվող տարածքից ռմբակոծության են ենթարկել «Անապատի բազեներ» աշխարհազորայինների ջոկատը: Ռմբակոծության հետևանքով մեծ թվով զոհեր ու վիրավորներ կան աշխարհազորայինների և խաղաղ բնակիչների շրջանում», — ասվում է հաղորդագրության մեջ:
Ռուսաստանի և ԱՄՆ-ի խորհրդատվության ընթացքում փետրվարի 22-ին Սիրիայի հակամարտության խաղաղ կարգավորման ու զինադադարի մասին պայմանավորվածություն է ձեռք բերվել: Մոսկվայի ու Վաշինգտոնի համատեղ հայտարարության համաձայն` հրադադարը, որը չի տարածվում Ռուսաստանում և մի շարք այլ երկրներում գործող «Իսլամական պետություն», «Ջեբհաթ ան Նուսրա» և այլ խմբավորումների վրա, որոնք ՄԱԿ-ի ԱԽ-ի կողմից ճանաչվել են որպես ահաբեկչական, տեղի է ունեցել փետրվարի 27-ին` ժամը 00:00-ին:
ՌԴ ԶՈԻ Օդատիեզերական ուժերի ավիացիան այդ պահից ամբողջությամբ դադարել է ավիահարվածներ հասցնել այն զինված խմբավորումների դիրքերի ուղղությամբ, որոնցից հրադադարի մասին հայտեր են ստացվել: ՄԱԿ-ի ԱԽ-ն միաձայն ընդունել է Սիրիայում հրադադարին աջակցման բանաձևը:
