ԵՐԵՎԱՆ, 28 փետրվարի — Sputnik. Սլովակիայի Տրնավա քաղաքի «Հոլիդեյ Ինն» հյուրանոցային համալիրում անցկացված մենամարտի արդյունքում հայազգի 24-ամյա բռնցքամարտիկ Վարուժան Մարտիրոսյանը դարձավ Սլովակիայի պրոֆեսիոնալ բռնցքամարտի չեմպիոն, հայտնում է orer.eu-ն ։
Պարբերականին տված բացառիկ հարցազրույցում Վարուժանը հայտնել է，որ հաղթանակը գրանցվել է առաջին իսկ ռաունդում，երբ նոկաուտի է ենթարկել իր մրցակից， Հունգարիայի չեմպիոն Ռոլանդ Նագիին։
Այսպիսով` Վարուժանը ստացել է 69 կգ քաշային կարգում պրոֆեսիոնալ բռնցքամարտի չեմպիոնի տիտղոսը և չեմպիոնական գոտին։
«Հաղթանակի կարողացա հասնել իմ տրամադրվածության շնորհիվ, և նոկաուտը դրա արդյունքն էր»,- ասել է Վարուժանը։
Այժմ նա պատրաստվելու է，որպեսզի մասնակցի Եվրոպայի չեմպիոնի գոտու համար անցկացվող մենամարտին։
2007 թվականից բռնցքամարտով զբաղվող Վարուժան Մարտիրոսյանն արդեն չորս տարի պրոֆեսիոնալ բռնցքամարտում է，2009-ին ճանաչվել է Սլովակիայի բրոնզե մեդալակիր， իսկ 2009-ին Գալանտա քաղաքի լավագույն մարզիկ։ 2011-2012 թթ. մասնակցել է միջազգային մի շարք մրցաշարերի։
