ԵՐԵՎԱՆ, 28 փետրվարի — Sputnik. Երևանում վճարային տերմինալներ են կոտրել ու հափշտակել գումարը, ընդ որում`ոչ միայն փողոցում, այլև խանութում տեղադրված տերմինալից է գումար գողացվել, հայտնում է news.am-ը։
Նշված դեպքերն արձանագրվել են Ե. Քոչար և Հալաբյան փողոցներում:
Նախօրեին վաղ առավոտյան անհայտ անձինք կոտրել են Ե. Քոչարի փողոցում գտնվող «ԹելՍել» ընկերության վճարային տերմինալը և գողացել գումարը:
Նույն օրը Հալաբյան փողոցի թիվ 3/1 հասցեում գտնվող մթերային խանութի ապակին կոտրել են և խանութից գողացել վճարման ապարատը:
Ոստիկանությունից հայտնել են, որ նշված դեպքերով կատարվում է քննություն:
