ԵՐԵՎԱՆ, 28 փետրվարի — Sputnik. Հայաստանի հավաքականը Եվրոպայի առաջնությունում 10 մ վազող թիրախ հրաձգության տղաների թիմային պայքարում երրորդ տեղն է զբաղեցրել: Հայ հրաձիգները ընդհանուր առմամբ 1094 միավոր են հավաքել, հայտնում է Ռ-Սպորտը:
Թիմին բրոնզե մեդալ է բերել Ռազմիկ Մինասյան, Շանթ Սարգսյան, Հովհաննես Խաչատրյան եռյակը: 1116 միավորով առաջին տեղը գրավել են Ուկրաինայի հրաձիգները: Ռուսաստանի հավաքականը թիմային ստուգարքում արծաթե մեդալ է նվաճել` 1108 միավորով: Բացի մեդալներից, մարզիկները պայքարում էին Ռիո դե Ժանեյրոյում կայանալիք Օլիմպիական խաղերի 12 ուղեգրերի համար:
