ԵՐԵՎԱՆ, 26 փետրվարի — Sputnik. Երկուշաբթի` փետրվարի 29-ին, ժամը 16։00-ին Sputnik-Արմենիա միջազգային մամուլի կենտրոնում («Իմպերիում պլազա» բիզնես կենտրոն, Ամիրյան 4/7, 4-րդ հարկ) տեղի կունենա լեգենդար գեղասահորդուհի, եռակի օլիմպիական չեմպիոն, աշխարհի, Եվրոպայի և ԽՍՀՄ բազմակի չեմպիոն Իրինա Ռոդնինայի մամուլի ասուլիսը։
Իրինա Ռոդնինան նաև ակտիվ հասարակական և պետական գործիչ է` «Միասնական Ռուսաստան» կուսակցությունից ՌԴ Պետական դումայի պատգամավոր, Պետդումայի ԱՊՀ-ի և հայրենակիցների հետ կապերի հարցերի հանձնաժողովի անդամ, «Միասնական Ռուսաստան» կուսակցության գերագույն խորհրդի անդամ։
Լեգենդար գեղասահորդուհին գալիս է Հայաստան «Գրիբոյեդով» բանավիճային ակումբի հրավերով։ Նա ցանկանում է ավելի լավ ճանաչել Հայաստանը և շփվել մարդկանց հետ։
Մամուլի կենտրոնի ծանուցումները ստանալու համար կարելի է բաժանորդագրվել` հայտ ուղարկելով h.sahakyan@sputniknews.com էլեկտրոնային հասցեով։
Երևանում Sputnik միջազգային մուլտիմեդիոն մամուլի կենտրոնի ղեկավար` Հասմիկ Սերգեյի Սահակյան, հեռ.` (094) 18-33-77։
