ԵՐԵՎԱՆ, 25 փետրվարի — Sputnik. ՌԴ-ն պահպանում է միջազգային պարտավորությունները և Հայաստանի հետ ռազմատեխնիկական թափանցիկ համագործակցություն է իրականացնում, հայտարարել է հայտարարել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան` մեկնաբանելով Հայաստանին ռազմամթերք մատակարարելու համար պաշտոնական Բաքվի կողմից ներկայացված բողոքի նոտան:
«Մենք արդեն դիվանագիտական խողովակներով համապատասխան տեղեկատվություն ենք ներկայացրել ադրբեջանական կողմին, Ռուսաստանը Հայաստանի հետ կապված է դաշնակցային հարաբերություններով, նրա հետ զարգացնում է նաև ռազմատեխնիկական համագործակցություն: Մենք հուսով ենք դա ըմբռնումով կընկալվի Ադրբեջանի կողմից: Մենք այդ համագործակցությունը ծավալում ենք չթաքցնելով այն` թափանցիկ, բաց. սա հայտնի փաստ է: Միաժամանակ, ինչպես Հայաստանին, այնպես էլ Ադրբեջանին ռազմամթերքի յուրաքանչյուր մատակարարում մեր կողմից իրականացվում է` հաշվի առնելով տարածաշրջանում ուժերի հավասարակշռության պահպանման անհրաժեշտությունը»,- ասել է Զախարովան:
Նրա խոսքով` ռազմամթերքի մատակարարման հարցում Ռուսաստանը պահպանում ստանձնած միջազգային պարտավորությունները, գործում է ազգային արտահանման վերահսկողության համակարգի շրջանակում:
