ԵՐԵՎԱՆ, 23 փետրվարի — Sputnik. Կանադայի վարչապետ Ջասթին Տրյուդոն կմասնակցի համասեռամոլների շքերթին, որն անցկացվելու է Տորոնտոյում հուլիսի 3-ին, հայտնում է ՌԻԱ Նովոստին` հղում անելով CBC հեռուստաընկերությանը։
«Ես անհամբերությամբ եմ սպասում շքերթին, որին այս անգամ կմասնակցեմ վարչապետի կարգավիճակով», — Twitter —ի իր միկրոբլոգում գրել է Տրյուդոն։
Բացի Տրյուդոյից, միջոցառմանը կմասնակցեն նաև Կանադայի ֆինանսների նախարար Բիլ Մորնոն, Օնտարիոյի վարչապետ Քեթլին Ուինը և Տորոնտոյի քաղաքապետ Ջոն Տորին։
Կազմակերպիչների խոսքով` շքերթին կմասնակցեն նաև Սիրիայի փախստականները։
Կանադան միասեռական ամուսնություններն օրինականացրել է 2005 թվականին։ Երկրի խորհրդարանում քննարկված օրինագիծը մեծ աղմուկ բարձրացրեց։ Օրինագծի ընդունումից հետո սկսվեցին մի քանի տարի շարունակվող դատական վեճերը, որոնց հետևանքով երկիրը բաժանվեց երկու մասի` միասեռական ամուսնությունների կողմնակիցներ և հակառակորդներ։
Ընդունված օրենքի համաձայն` միասեռական զույգերը կարող են իրենց հարաբերություններն օրինականացնել երկրի ողջ տարածքում։ Օրենքը նաև թույլ է տալիս այդ ընտանիքներին երեխա որդեգրել։
