ԵՐԵՎԱՆ, 22 փետրվարի- Sputnik. Հայաստանը ներկայացնող Թինա Կարապետյան — Սիմոն Սենեկալ պարային զույգը «Bavarian open» միջազգային մրցաշարում զբաղեցրեց երկրորդ տեղը, հայտնում է ՀԱՕԿ կայքը:
Ազատ ծրագրում Հայաստանը ներկայացնող զույգը հաջող ելույթ ունեցավ և հավաքած ընդհանուր 140,16 միավորով գրավեց երկրորդ հորիզոնականը: Առաջին տեղում Մեծ Բրիտանիան ներկայացնող Կումես — Բուկլանդ զույգն է, որը հավաքել է 165,68 միավոր:
Կարապետյան — Սենեկալ զույգը իրավունք է ստացել մասնակցելու Բոսթոնում կայանալիք աշխարհի առաջնությանը:
