ԵՐԵՎԱՆ, 22 փետրվարի- Sputnik. MasterCard վճարային համակարգից օգտվողները կարող են հաստատել իրենց վճարումները սելֆիի օգնությամբ, երկուշաբթի հաղորդում է Financial Times հրատարակությունը։
Դա այն ծառայություններից մեկն է, որն ընկերությունները ներմուծում են բջջային հեռախոսից վճարումներ կատարելու ժամանակ` անձի հաստատման գործընթացի բարելավման համար։ Հրատարակության տվյալներով` օգտատերերը մատնահետքերի կամ սելֆիի օգնությամբ կարող են օնլայն գնում կատարել առանց գաղտնագրի։ Ծառայության փորձնական տարբերակը ներկա պահին թեստավորվում է Մեծ Բրիտանիայում և Նիդեռլանդներում։ Ընկերության հայտարարության համաձայն` այս ամառ ծառայությունը հասանելի կլինի ևս 14 երկրում։
