ԵՐԵՎԱՆ, 20 փետրվարի — Sputnik. Իտալացի գրող ու փիլիսոփա Ումբերտո Էկոն մահացել է 84 տարեկանում, հայտնում է Ֆրանս Պրես գործակալությունը` հղում անելով Էկոյի ընտանիքին:
Գրողի մահվան հետ կապված այլ մանրամասներ հայտնի չեն:
Նրա առավել հայտնի գործերից են «Վարդի անունը» (Il nome della rosa, 1980) և «Ֆուկոյի ճոճանակը» (Il pendolo di Foucault, 1988) գրքերը։
Ումբերտո Էկոն եղել է ախտանշաբանության պրոֆեսոր Բոլոնիայի համալսարանում։ Նրա գեղարվեստական գրվածքներն առանձնանում են իրենց հարուստ լեզվով, սիմվոլների չարաճճի օգտագործմամբ, զարմանալի ակնարկներով և տեղեկանքներով և գլուխկոտրուկների ու պատմողական գյուտերի խելոք օգտագործմամբ։ Ժամանակակից մշակույթի վերաբերյալ նրա ակնարկները լեցուն են կատակով և հեգնանքով։
