Սիրիական կառավարական զորքը ճեղքել է ահաբեկիչների պաշտպանությունը և հսկողության տակ վերցրել Լաթաքիայի հյուսիսում գտնվող Քենսաբա քաղաքը։ Դիտեք տեսանյութում, թե ինչպես են զինվորականները հրանոթներով գնդակոծել գրոհայինների դիրքերը
Սիրիայի բանակը մտել է ահաբեկիչների ամենակարևոր և վերջին հենարաններից մեկը` Լաթաքիա նահանգի Քենսաբա քաղաք։ Գրոհայինների մեծ մասը փախուստի է դիմել Իդլիբ նահանգի Բիդամա քաղաքի ուղղությամբ, հաղորդել է լիբանանյան «Ալ Մայադին» հեռուստաալիքը։
Անցած շաբաթ ՍԱՀ կառավարական զորքը հսկողությունը վերականգնել է Լաթաքիա նահանգում։ Ինչպես բազմիցս նշել են սիրիական ԶՈՒ ներկայացուցիչները, սահմանամերձ գոտու ամբողջական հսկողությունը առաջնահերթ խնդիր է։
Նրանք պետք է փակեն սահմանի շուրջ 100 կմ հատված, որով Սիրիայի տարածք են թափանցում արտասահմանյան վարձկանները, որոնք պատերազմում եմ ահաբեկչական խմբավորումների կողմից։
Սիրիայում 2011թ.-ի մարտից շարունակվում է զինված հակամարտությունը, որի հետևանքով, ըստ ՄԱԿ-ի տվյալների, մահացել է ավելի քան 220 հազար մարդ։ Կառավարական զորքերին դիմակայում են գրոհայինների ջոկատները, որոնք պատկանում են տարբեր զինված խմբավորումների։ Առավել ակտիվ են «Իսլամական պետություն» և «Ջեբհաթ ան Նուսրա» ծայրահեղական խմբավորումները։
