ԵՐԵՎԱՆ, 19 փետրվարի — Sputnik. Ազգային ժողովն այսօր՝ փետրվարի 19-ին, առաջին ընթերցմամբ ընդունեց «ՀՀ կառավարության կառուցվածքի մասին» ՀՀ օրենքում լրացումներ և փոփոխություններ կատարելու օրենքի նախագիծը, որն առաջարկել էր ՀՀ կառավարությունը։
«Հայաստանի Հանրապետության կառավարության կառուցվածքի մասին» ՀՀ օրենքում լրացում և փոփոխություն կատարելու մասին նախագիծը ներկայացրեց արդարադատության նախարար Արփինե Հովհաննիսյանը։
ՏԿԱԻՆ-ը երկու նախարարության` տարածքային կառավարման և արտակարգ իրավիճակների նախարարության բաժանելու նախագիծը հավանություն է ստացել փետրվարի 18-ի կառավարության նիստում։ Ենթադրվում է, որ տարածքային կառավարման նախարարի պորտֆելը կանցնի Դաշնակցության ներկայացուցչին։
