ԵՐԵՎԱՆ, 19 փետրվարի — Sputnik. Հայաստանի և Բելառուսի միջև առևտրաշրջանառությունը նվազել է 40 տոկոսով, սակայն դա վերաբերում է երրորդ կողմից Բելառուսով Հայաստան ներկրվող ապրանքներին։ Իսկ հենց բելառուսական ապրանքի ներմուծումը Հայաստան ավելացել է 10 տոկոսով։
«ԵՏՄ շրջանակում համագործակցությունն օգնեց, որ Բելառուսը Հայաստանի հետ առևտրային կապերն ամրապնդի։ Դրա համար էլ մենք նախորդ տարի լուրջ ցուցանիշներ արձանագրեցինք»,- ասաց Բելառուսի անտառային տնտեսության նախարար Միխայիլ Ամելյանովիչը։
Այս իմաստով Բելառուսը հատկապես ողջունում է Հայաստանից գինու և կոնյակի արտահանումը։ Հայաստանի Էկոնոմիկայի նախարար Կարեն Ճշմարիտյանն էլ հավելեց, որ հայկական կողմը շահագրգիռ է խորացնել գործակցությունն էներգետիկայի, տրանսպորտի և գյուղատնտեսության բնագավառներում։
![Встреча армяно-беларусской межправительственной комиссии Встреча армяно-беларусской межправительственной комиссии - Sputnik Արմենիա](https://cdn.am.sputniknews.ru/img/202/81/2028169_0:0:1000:657_600x0_80_0_0_c3851e721005b074dd4fe4134378f09c.jpg)
Տնտեսական համագործակցության հարցերի հայ-բելառուսական միջկառավարական համատեղ հանձնաժողովը հիմնվել է համաձայն 2000 թվականի հունվարի 18-ին կնքված «ՀՀ կառավարության և Բելառուսի կառավարության միջև ազատ առևտրի մասին» համաձայնագրի։ Նպատակը հայ-բելառուսական տնտեսական համագործակցության ամրապնդումն ու խորացումն է։