ԵՐԵՎԱՆ, 18 փետրվարի — Sputnik. Կանանց տոնը՝ Մարտի 8-ը, այս տարի երեշքաբթի օր է: Կառավարության աշխատակազմի ղեկավար Դավիթ Հարությունյանն առաջարկեց մարտի 7-ը տեղափոխել շաբաթ օրը՝ մարտի 12-ին:
«Այսպիսով մարտի 5-ը շաբաթ օր է, վեցը՝ կիրակի, յոթը կլինի հանգստյան օր, 8-ն էլ ՝ ոչ աշխատանքային, և մարդիկ Կանանց տոնին պատշաճ պատրաստվելու հնարավորություն կունենան»,- ասաց Դավիթ Հարությունյանը:
Վարչապետ Հովիկ Աբրահամյանը նշեց, որ հարցը վիճելի է, այդ պատճառով էլ պետք է լսել նաև գործընկերների կարծիքը:
«Կարծես բոլորիդ համար հաճելի էր լուրը: Առաջարկում եմ՝ կանայք հանգստանան, իսկ տղամարդիկ աշխատեն կամ էլ անհանգստանան»,- կատակեց վարչապետը:
Ի վերջո, կառավարությունը հավանություն տվեց առաջարկին: Այս տարի, մարտի 8-ից բացի, ոչ աշխատանքային կլինի նաև մարտի 7-ը:
