ԵՐԵՎԱՆ, 17 փետրվարի-Sputnik. Ավելացել են Հալեպի տարբեր շրջանների, այդ թվում և քրիստոնեաբնակ և հայաբնակ թաղամասերի դեմ ահաբեկչական գործողությունները։ Այս մասին հաղորդում է ֆեյսբուքյան «Բերիո լուրեր» էջը։
Հայկական թաղամասերում հրթիռակոծման կիզակետում են հայտնվել Սիրիայի օգնության խաչի բժշկական կենտրոնը, Սուրբ Գրիգոր Լուսավորիչ եկեղեցու և Ազգային ճեմարանի շրջակայքը։ Նախկինում տնտեսական մայրաքաղաք Հալեպը ծանր կացության մեջ է հայտնվել։
«Հալեպում ռումբերի ու հրթիռների պայթյունները, ավերածությունները դեռ շարունակվում են աննկարագրելի ձևով»,- նշված է հաղորդագրության մեջ։
