ԵՐԵՎԱՆ, 17 փետրվարի — Sputnik. Հայտնի երաժիշտ Փոլ Մաքքարթնին այդպես էլ չի կարողացել մասնակցել Grammy մրցանակաբաշխությունից հետո անցկացված երեկույթին, քանի որ անվտանգության աշխատակիցները չեն ճանաչել 73-ամյա աստղին։
Երեկույթի կազմակերպիչ ռեփեր Tyga-ի հայտարարության համաձայն` ինքը չի իմացել, որ Մաքքարթնին դրսում է մնացել։
«Ես չեմ հսկել մուտքը։ Ես չեմ իմացել, որ սըր Փոլն այնտեղ էր։ Ես ելույթ ունեցա ու հեռացա երկույթից»,- գրել է Tyga-ն Twitter-ի իր էջում` ավելացնելով, որ ինքը որևէ պատճառ չուներ ռոքի լեգենդին ակումբ չթողնելու համար։
18 Grammy-ի արժանացած երգչի հետ միասին չեն թույլատրել մտնել նաև ավելի երիտասարդ ռոք-երաժշտի` երգիչ Բեկային, ինչպես նաև Foo Fighters խմբի թմբկահար Թեյլոր Հոքինսին:
Մաքքարթնին տհաճ միջադեպից հետո գնացել է Republic Records-ի երեկույթին։
