ԵՐԵՎԱՆ, 16 փետրվարի- Sputnik. Մրցավար Սեսար Սանչեսը կարմիր քարտ է ցույց տվել թիմերից մեկի խաղացողին և դրա պատճառով սպանվել է, հաղորդում է ՌԻԱ Նովոստին` հղում անելով Goal.com պորտալին։
Դեպքը տեղի է ունեցել Արգենտինայի Կորդովա քաղաքում տեղի ունեցած ֆուտբոլային հանդիպման ժամանակ։ Տեղի ոստիկանության տվյալով` 48-ամյա մրցավարը հեռացրել է խաղացողին մրցակցին հարվածելու համար, որից հետո ֆուտբոլիստը զենքը ձեռքին խաղադաշտ է վերադարձել և երեք կրակոց արձակել դատավորի գլխին, կրծքին և պարանոցին։
Վիրավորվել է նաև ֆուտբոլիստ Վալտեր Սարատեն, նրա կյանքին ոչինչ չի սպառնում, գրում է Goal.com-ը։
