ԵՐԵՎԱՆ, 15 փետրվարի — Sputnik. Sputnik միջազգային տեղեկատվական գործակալությունն ու ռադիոն հայտարարել է պորտալի գործարկման մասին` տաջիկերեն և ռուսերեն լեզուներով։ Պրոֆեսիոնալ լրագրողների ու խմբագիրների թիմը պատմելու է միջազգային ու տեղական իրադարձությունների մասին, ինչպես նաև ներկայացնելու է դրանց և այլ արդիական թեմաների վերաբերյալ տարբեր կարծիքներ:
«Sputnik-ը ժամանակակից զանգվածային լրատվամիջոց է, որը մյուս ԶԼՄ-ներից տարբերվում է առաջին հերթին թեմաների ընտրության և մատուցման ձևով, ինչպես նաև աշխարհընկալմամբ» — նշում է Sputnik-ի գլխավոր խմբագիր Մարգարիտա Սիմոնյանը:
Sputnik Տաջիկստան լրատվական պորտալն իր ընթերցողներին է առաջարկում բազմազան մուլտիմեդիոն կոնտենտ` ինֆոգրաֆիկա, տեսանյութեր, ֆոտոռեպորտաժներ, առցանց եթերներ ու քվեարկություններ: Բացի օպերատիվ տեղեկատվությունից, Sputnik Տաջիկստան պորտալի լսարանի համար հասանելի կլինեն նաև վերլուծական նյութեր, բացառիկ հարցազրույցներ, փորձագիտական գնահատականներ:
Sputnik-ի կոնցեպցիան ներառում է հեռարձակման առաջադեմ տեխնոլոգիաներ, բարձր պրոֆեսիոնալիզմ և ընթերցողին միտվածություն, ինչը թույլ է տալիս Sputnik-ին արագ զարգանալ ու գրավել ամբողջ աշխարհի լսարանը։ «Մենք ասում ենք այն, ինչի մասին լռում են մյուսները» կարգախոսն ամբողջությամբ արտացոլում է Sputnik լրատվական ռեսուրսների բովանդակությունը, որոնց նպատակը համաշխարհային իրադարձությունների վերաբերյալ տարբեր կարծիքները հանրությանը հասանելի դարձնելն է։
Sputnik-ը (sputniknews.com) լրատվական գործակալություն է և ռադիո` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն լեզուներով:
