ԵՐԵՎԱՆ, 14 փետրվարի — Sputnik. Ռուսաստանի նախագահ Վլադիմիր Պուտինը և ԱՄՆ-ի նախագահ Բարաք Օբաման հեռախոսազրույցի ընթացքում մի շարք կարևոր հարցեր են քննարկել, հայտնում է Կրեմլի մամուլի ծառայությունը:
Նրանք անդրադարձել են նաև սիրիական հակամարտության կարգավորման հարցին:
«Երկու կողմն էլ դրական է գնահատել Մյունխենում փետրվարի 11-12-ն անցկացված Սիրիայի աջակցման միջազգային խմբի նիստի արդյունքները:
Նիստը հաստատել է ՄԱԿ-ի ԱԽ 2254-րդ բանաձի դրույթներն ու սկզբունքները, ինչպես մարդասիրական ու հրադադարի մեթոդների մշակման, այնպես էլ իրական քաղաքական գործընթացի իրականացմանն աջակցելու հարցերում: Մասնավորապես աջակցություն է առաջարկվել հրադադարի և մարդասիրական հարցերում», — ասվում է հաղորդագրության մեջ:
Պուտինն ու Օբաման անդրադարձել են նաև Ուկրաինայում տիրող իրավիճակին:
«Քննարկվել է նաև Ուկրաինայի հարցը, առաջին հերթին` 2015 թվականի փետրվարի 12-ին Մինսկում հակամարտության կարգավորմանն ուղղված համաձայնեցված համալիր միջոցառումների իրականացման համատեքստում», — նշվում է հաղորդագրության մեջ:
