ԵՐԵՎԱՆ, 14 փետրվարի — Sputnik. Իրանի իշխանությունները հայտարարել են, որ Վալենտինի տոնը երկրում նշելը հավասար է հանցագործության, հայտնում է Al Arabiya-ն:
Նշվում է, որ իշխանությունները նախազգուշացրել են առևտրի կետերին, որպեսզի Սբ. Վալենտինի օրվան նվիրված նվերներ ու իրեր վաճառքի չհանեն, այլապես խանութների տերերը պատասխանատվության կենթարկվեն:
Ոստիկանությունը նախազգուշացրել է նաև սրճարանների տերերին, որպեսզի սիրահարների օրվան նվիրված հավաքույթներ ու նվերների փոխանակում փետրվարի 14-ին չանցկացնեն:
