ԵՐԵՎԱՆ, 13 փետրվարի — Sputnik. Ազատ ոճի ըմբշամարտի Հայաստանի հավաքականի անդամները մասնակցում են Ուկրաինայի անվանի մարզիկներին և մարզիչներին նվիրված միջազգային 20-րդ մրցաշարին, հայտնում է ՀԱՕԿ լրատվության բաժինը:
Մրցումային առաջին օրը մրցագորգ էին դուրս եկել 57 կգ, 65 կգ, 74 կգ և 97 կգ քաշային կարգ ունեցող ըմբիշները:
Հայ ըմբիշներից միայն 57 կգ քաշային Գարիկ Բարսեղյանին հաջողվեց մրցանակային տեղ զբաղեցնել: Նա 1/8 եզրափակչում հաղթեց ուկրաինացի Ալեքսանդր Բուլատին, քառորդ եզրափակչում առավելության հասավ ուկրաինացի Սերգեյ Ռատուշնիի նկատմամբ, սակայն կիսաեզրափակչում զիջեց կրկին ուկրաինացի ըմբիշի: Բրոնզե մեդալի համար պայքարում Բարսեղյանը հաղթեց Ուկրաինան ներկայացնող Արմեն Առաքելյանին:
Հայաստանը ներկայացնում են Գարիկ Բարսեղյանը, Գառնիկ Մնացականյանը (57 կգ), Վոլոդյա Ֆրանգուլյանը (61 կգ), Դավիթ Սաֆարյանը (65 կգ), Վալտեր Մարգարյանը (70 կգ), Գրիգոր Գրիգորյանը, Վարուժան Կաջոյանը (74 կգ), Մուսա Մուրթազալիևը, Շամիր Աթյանը, Հաջիմուրադ Նուրմոգամեդովը, Սարգիս Հովսեփյանը (86 կգ), Էդգար Ենոքյանը, Անդրանիկ Գալստյանը (97 կգ) և Լևան Բերիանիձեն (125 կգ):
Մրցաշարին մասնակցում է 6 երկրի ավելի քան 100 ըմբիշ:
