Երևանցիները գալիս էին Սուրբ Գրիգոր Լուսավորիչ եկեղեցի` իրենց հետ բերելով երեխաներին։ Եկեղեցուց շնորհավորանքներ էին հնչում։ Այդ օրն ավանդաբար շատերը պսակադրվում են, քանի որ Տեառնընդառաջը մարդիկ նույնացնում են սիրո, հույսի ու հավատի տոնի հետ։ Քաղաքում բազմաթիվ էին նորապսակների մեքենաները։
Մի խումբ երիտասարդներ տաճարի մոտ ճյուղեր էին դնում, իսկ մարդիկ շարունակում էին շարժվել դեպի եկեղեցի։
Խարույկը վառվեց. տարբեր տարիքի մարդիկ շուրջպար բռնեցին կրակի շուրջ։
Երիտասարդները սկսեցին ցատկել կրակի վրայով. ըստ ավանդության` կրակի հենց կենտրոնով ցատկողը երջանիկ ու երկարատև ամուսնության կարժանանա։
«Սա մեր առաջին համատեղ Տրնդեզն է։ Մի քիչ վախենում եմ, կարող է հանկարծ ընկնենք կրակի բոցի վրա։ Բայց հավատը մեզ հետ է»,- ասաց Տրդատ Սիմոնյանը, ով տոնին եկել էր ընտանիքի ու ընկերների հետ։
Ահելներն ու ջահելները կանթեղներով մոտենում էին կրակին։ Մարդիկ հավատում են, որ այս կրակը երջանկություն ու բարեկեցություն է բերում տուն։
«Ավանդույթը շատ հին արմատներ ունի։ Այն ժամանակ մոմեր դեռ չկային, ու մարդիկ տունը լուսավորում էին կրակից վերցրած ճյուղերով։ Մենք այսօր կարծես շարունակում ենք այդ ծեսը և հավատում ենք, որ այս կրակի հետ մեր տներն ենք տանում երջանիկ կյանքի նոր շունչը», — Sputnik Արմենիային ասաց երևանցի Արտաշես Սիմոնյանը։
Հայերը խարույկներ վառեցին. Հայաստանը տոնում է Տեառնընդառաջը
22:26 13.02.2016 (Թարմացված է: 19:58 15.02.2016)
© Sputnik / Արամ ներսեսյան
Բաժանորդագրվել
Երևանցիները Տեառնընդառաջը կամ Տրնդեզը տոնեցին խարույկներ վառելով ու դրանց վրայից ցատկելով։ Այս երեկո հարյուրավոր մոմեր վառվեցին խարույկների մոտ
