ԵՐԵՎԱՆ, 13 փետրվարի — Sputnik. Հայաստանի արտգործնախարար Էդվարդ Նալբանդյանը փետրվարի 13-ին Մյունխենում հանդիպել է Ամերիկայի Միացյալ Նահանգների պետքարտուղարի տեղակալ Վիկտորյա Նուլանդին, տեղեկացնում է ԱԳՆ մամուլի ծառայությունը:
Զրուցակիցները գոհունակություն են հայտնել երկկողմ հարաբերությունների բարձր մակարդակի կապակցությամբ, կարևորել վերջին տարիներին Հայաստանի և Միացյալ Նահանգների միջև բարեկամական գործընկերության ամրապնդմանն ուղղված քայլերը։
Էդվարդ Նալբանդյանը և Վիկտորյա Նուլանդը մտքեր են փոխանակել տարբեր ոլորտներում փոխգործակցության հետագա զարգացման ուղիների շուրջ։
Զրուցակիցներն անդրադարձել են տարածաշրջանային և միջազգային հրատապ խնդիրների, քննարկել են ղարաբաղյան հիմնախնդրի կարգավորման գործընթացը։
