ԵՐԵՎԱՆ, 13 փետրվարի — Sputnik. Չինաստանում փիղը արգելոցից դուրս է եկել բանուկ տուրիստական փողոց և 15 մեքենա վնասել, հայտնում է ՌԻԱ Նովոստին` հղում անելով Xinhua գործակալությանը:
Միջադեպը տեղի է ունեցել ուրբաթ Յունան նահանգում: Չժուսունյա մականունով փիղը 20 րոպե շարունակ վազվզել է կայանած մեքենաների մոտով և տրորել դրանք: Ընդհանուր առմամբ փիղը 15 մեքենա է վնասել և դրանից հետո վերադարձել իր վանդակը՝ ուտելիք որոնելու:
Ապահովագրական ընկերությունները զննել են մեքենաները և փոխհատուցում են վճարելու:
Արգելոցի աշխատակցի խոսքով` ավտոճանապարհի կողքին հատուկ արահետ կա փղերի համար, և կենդանիները շատ հազվադեպ են դուրս գալիս գլխավոր ճանապարհ:
