ԵՐԵՎԱՆ, 12 փետրվարի- Sputnik. Հայաստանի նախագահի մամուլի քարտուղար Վլադիմիր Հակոբյանը հերքել է տեղեկությունները, թե այսօր նախագահի նստավայրում նախատեսվում է ՀՀԿ և ՀՅԴ կուսակցությունների միջև համագործակցության մասին համաձայնագրի ստորագրումը:
«Ոչ, այսօր նման բան չի նախատեսվում»,- ասել է նա tert.am-ին:
Նա հայտնել է, որ երեկոյան հանդիպում իսկապես լինելու է, որի ընթացքում ՀՀ նախագահ Սերժ Սարգսյանն իր նստավայրում հյուրընկալելու է օրենսդիր, գործադիր և դատական իշխանությունների, տարածքային կառավարման և տեղական ինքնակառավարման մարմինների ղեկավար կազմի ներկայացուցիչներին: ՀՀ նախագահը հանդես է գալու ելույթով, սակայն այն ոչ թե ՀՅԴ-ի հետ համագործակցության մասին է, այլ Սահմանադրության փոփոխությունների կենսագործման վերաբերյալ է:
