ԵՐԵՎԱՆ, 11 փետրվարի — Sputnik. Ոռոգման ոլորտի կազմակերպությունների գործունեության և կառավարման արդյունավետության բարձրացման, ինչպես նաև «Արփա-Սևան» N2 թունելում նոր ի հայտ եկած առանձին վթարային հատվածների հիմնանորոգման համար անհրաժեշտ նախագծանախահաշվային փաստաթղթերի կազմման աշխատանքների իրականացման և ֆինանսավորման նպատակով կառավարությունն ընդունել է համապատասխան որոշում:
Անդրադառնալով որոշմանը՝ ՀՀ վարչապետ Հովիկ Աբրահամյանն ընդգծել է, որ «Արփա-Սևան» թունելի հետ կապված կա լուրջ անելիք, ինչը հնարավորություն կտա Սևանա լիճ ավելի շատ քանակությամբ ջուր տեղափոխել:
Կառավարության ղեկավարը նշել է, որ այդ հարցը քննարկվել է ՀՀ նախագահի հետ, և հանձնարարվել է պատասխանատուներին վերանորոգման աշխատանքները հնարավորինս արագ իրականացնել:
