ԵՐԵՎԱՆ, 11 փետրվարի — Sputnik. Ուրբաթ` փետրվարի 12-ին, ժամը 15։00-ին «Sputnik-Արմենիա» միջազգային մամուլի կենտրոնում («Իմպերիում պլազա» բիզնես կենտրոն, Ամիրյան 4/7, 4-րդ հարկ) տեղի կունենա մամուլի ասուլիս` նվիրված Տեառնընդառաջին` Տոն քառասնօրյա Գալստեանն Քրիստոսի ի Տաճարն եկեղեցական տոնին։ Տերունի այս տոնը հիշատակում է 40-օրական Հիսուսի ընծայումը Տաճարին:
Հայաստանյայց Առաքելական Սուրբ Եկեղեցին Տեառնընդառաջը տոնում է Աստվածահայտնությունից 40 օր հետո` փետրվարի 14-ին:
Հայ Եկեղեցու կանոնի համաձայն` տոնի նախօրեին, երեկոյան ժամերգությունից հետո կատարվում է նախատոնակ: Այն ավետում է Տերունի տոնի սկիզբը:
Նախատոնակի արարողության ավարտից հետո եկեղեցու կանթեղներից վերցված կրակով վառվում են խարույկներ՝ իբրև Քրիստոսի լույսի խորհրդանիշ և տեղի է ունենում Նորապսակների օրհնության կարգ:
Ասուլիսի ընթացքում կխոսվի այս տոնի խորհրդի և տոնի շրջանակում նախատեսված միջոցառումների մասին։
Մամուլի ասուլիսի մասնակիցներն են.
Սուրբ Գրիգոր Լուսավորիչ Մայր եկեղեցու հոգևոր հովիվ Տեր Հակոբ քահանա Խաչատրյանը,
«Մասունք» ազգագրական երգի-պարի համույթի համաղեկավար Լուսինե Մկրտչյանը,
Եկեղեցասեր երիտասարդների նախաձեռնության անդամ Արեգ Գալստյանը։
Ասուլիսին շարական կատարումներ կհնչեցնեն Սբ. Գրիգոր Լուսավորիչ եկեղեցու «Հավատամք» երգչախմբի անդամները։
Մամուլի կենտրոնի ծանուցումները ստանալու համար կարելի է բաժանորդագրվել` հայտ ուղարկելով h.sahakyan@sputniknews.com էլեկտրոնային հասցեով։
Երևանում Sputnik միջազգային մուլտիմեդիոն մամուլի կենտրոնի ղեկավար` Հասմիկ Սերգեյի Սահակյան, հեռ.` (094) 18-33-77։
