ԵՐԵՎԱՆ, 11 փետրվարի — Sputnik. Ուրբաթ` փետրվարի 12-ին, 12:00-ին Sputnik Արմենիա միջազգային մամուլի կենտրոնում («Իմպերիում պլազա» բիզնես-կենտրոնի շենք, հասցե` Ամիրյան 4/7, 4-րդ հարկ) տեղի կունենա ՀԱՊԿ գլխավոր քարտուղար Նիկոլայ Բորդյուժայի մամուլի ասուլիսը` Երևանի ու Աստանայի հետ տեսակապ հաստատելու միջոցով։
Միջոցառման ընթացքում կամփոփվեն 2015 թվականի ՀԱՊԿ գործունեության արդյունքները, ինչպես նաև կմեկնաբանվեն 2015 թվականի դեկտեմբերի 21-ին Մոսկվայում տեղի ունեցած ՀԱՊԿ ԱԽ հերթական նստաշրջանի արդյունքները։
Խոսվելու է նաև ՀԱՊԿ-ում Հայաստանի նախագահության ժամանակահատվածում 2016 թվականին Կազմակերպության առջև դրված հիմնական խնդիրների մասին, ինչպես նաև միջազգային ահաբեկչության դեմ պայքարում ՀԱՊԿ-ի անդամ-պետությունների ընդհանուր մասնակցության մասին։
Հատուկ ուշադրության են արժանանալու «Իսլամական պետություն» ահաբեկչական խմբավորման մարտահրավերներն ու սպառնալիքները, ինչպես նաև փախստականների հարցը։ ՀԱՊԿ սահմանների շուրը ՆԱՏՕ-ի երկրների ռազմական ենթակառուցվածքների ուժեղացման կապակցությամբ կխոսվի նաև ՀԱՊԿ ռազմական ներուժի կատարելագործման մասին։ Իրավիճակը բարդ է Աֆղանստանում, ինչն ազդում է Կենտրոնական Ասիայի ողջ տարածաշրջանի անվտանգության վրա։
Մամուլի ասուլիսից հետո տեղի կունենա ԶԼՄ-ների ներկայացուցիչների պարգևատրման արարողությունը։
Մամուլի կենտրոնի ծանուցումները ստանալու համար կարելի է բաժանորդագրվել` հայտ ուղարկելով h.sahakyan@sputniknews.com էլեկտրոնային հասցեով։
Երևանում Sputnik մուլտիմեդիոն միջազգային մամուլի կենտրոնի ղեկավարն է Հասմիկ Սահակյանը։
Հեռախոսահամար` +374 (94) 18-33-77։
