ԵՐԵՎԱՆ, 11 փետրվարի — Sputnik. Կրասնոդարի երկրամաս բերված լոլիկիի խմբաքանակը հավանաբար ներկրվել է մեկ այլ երկրից կեղծ փաստաթղթերով, հայտնում է Ադիգեայի Հանրապետության ու Կրասնոդարի երկրամասի Ռոսսելխոզնադզորի վարչության մամուլի ծառայությունը։
Ավելի վաղ Կրասնոդարի երկրամասի Ռոսսելխոզնադզորի մասնագետները արգելել էին Հայաստանից արտահանվող 22 տոննա լոլիկի խմբաքանակի ներկրումը։ Լոլիկի խմբաքանակում ցեց էր հայտնաբերվել։
«Ադիգեայի Հանրապետության ու Կրասնոդարի երկրամասի Ռոսսելխոզնադզորի վարչությունը ներողություն է խնդրում Հայաստանից` վարակված տոմատի խմբաքանակի վերաբերյալ հայտարարության համար», — ասվում է հաղորդագրության մեջ։
Ներկա պահին ստուգվում են փաստաթղթերը։
Հարավաֆրիկյան տոմատային ցեցի հայրենիքը Կենտրոնական Ամերիկան է։ Ցեցը հիմնականում սնվում է տոմատի բույսից, կարող է վնասել ինչպես դաշտային, այդպես էլ` ջերմոցային բույսերը։ Բերքի կորուստները կարող են կազմել 25-100 տոկոս։
Թրթուրները գիշերային կյանք են վարում, ցերեկը թաքնվում են հողում և երևում են միայն բույսը թափահարելիս։ Տոմատային ցեցի թրթուրները վնաս են հասցնում տնկելու պահից ընդհուպ մինչև բերքի վերջին հավաքը։ Սովորաբար դրանք լինում են տերևների, ցողունի ու պտղի (ներթափանցում են բերքի մեջ) վրա, այդպիսով նվազեցնելով ֆոտոսինթեզի մակարդակը։ Վնասված տերևները չորանում են, իսկ պտուղը կորցնում է ապրանքային արժեքը։
