ԵՐԵՎԱՆ, 10 փետրվարի — Sputnik. Կրասնոդարի երկրամասի Ռոսսելխոզնադզորի մասնագետները արգելել են Հայաստանից արտահանվող 22 տոննա լոլիկի խմբաքանակի ներկրումը։ Տոմատի խմբաքանակում ցեց է հայտնաբերվել, — հայտնում է գերատեսչության մամուլի ծառայությունը։
«Կրասնոդարի երկրամասի ու Ադիգեայի Ռոսսելխոզնադզորի մասնագետները Հայաստանից ներկրվող 22 տոննա լոլիկը ստուգելու ժամանակ ՌԴ-ի համար կարանտինային օբյեկտ են հայտնաբերել` կենսունակ վիճակում գտնվող հարավամերիկյան տոմատային ցեց», — նշված է հաղորդագրության մեջ։
Նշվում է, որ այս կարանտինային վնասատուն առաջին անգամ հայտնաբերվել էր Կուբանում։
Լոլիկի խմբաքանակն արգելվել է ՌԴ-ի տարածքը կարանտինային օբյեկտների ներթափանցումից պաշտպանելու, կարանտինային օբյեկտների վարակի տարածման հետևանքով առաջացող վնասը կանխելու նպատակով, նշել են գերատեսչությունում։
