ԵՐԵՎԱՆ, 8 փետրվարի — Sputnik. 2016 թվականին Հայաստանում, Ուզբեկստանում ու Ղրղըզստանում ԱՊՀ 25-ամյակի տոնակատարության շրջանակում Ռուսաստանի օրեր կանցկացվեն, երկուշաբթի լրագրողներին հայտնել է ՌԴ մշակույթի փոխնախարար Ալլա Մանիլովան։
«2016 թվականին առաջնային է ԱՊՀ 25-ամյակի տոնակատարությունը։ Միության բոլոր երկրներում 25-ամյակին նվիրված միջոցառումներ են անցկացվելու, և մենք նախատեսում ենք տարաբնույթ միջոցառումներ անցկացնել», — ասաց նա։
Փոխնախարարն ընդգծեց, որ Ռուսաստանի օրեր կանցկացվեն Ուզբեկստանում, Հայաստանում, Ղրղըզստանում։
«Ղազախստանում մենք Feel Russia բացօթյա մեգանախագիծ կանցկացնենք, որն անցյալ տարի արդեն մեկնարկել է 6 երկրներում», — նշեց փոխնախարարը։
Հայաստանում, Ղրղըզստանում, Տաջիկստանում կանցկացվի նաև ռուսական կինոյի շաբաթ։ «Այս տարի մենք ընդունում ենք Բելառուսի, Տաջիկստանի ու Թուրքմենստանի օրերը», — ավելացրեց Մանիլովան։
