ԵՐԵՎԱՆ, 8 փետրվարի — Sputnik. Toyota ընկերության ներկայացուցիչների հայտարարության համաձայն` արտադրական դադարը կտևի 6 օր։ Հիմնական արտադրական գիծն աշխատանքը կսկսի փետրվարի 15-ին։
Ավտոարտադրողի այս որոշումը պայմանավորված է պողպատի պակասով։
Toyota-ի համար մշակվող հատուկ պողպատի մատակարարումների դադարեցման պատճառը Aichi Steel ընկերության գործարաններից մեկում հունվարին տեղի ունեցած պայթյունն է։ Հենց այս ընկերությունն է պողպատ մատակարարում Toyota-ին։
Պայթյունի պատճառով խախտվել է պողպատաձուլական գծերից մեկի աշխատանքը, որը կվերականգնվի մարտին։
Toyota-ն, թեև մեծացրել է պողպատ արտադրող այլ ընկերությունների մատակարարումների ծավալը, այնուհանդերձ այս պահին պողպատի պակաս ունի։
