ԵՐԵՎԱՆ, 8 փետրվարի- Sputnik. «Հարավկորեական հետախուզության հայտարարություններն անեկդոտի բնույթ են կրում», փոխվարչապետ Դմիտրի Ռոգոզինն այսպես է մեկնաբանել Սեուլի դիրքորոշումն այն մասին, թե Ռուսաստանն իբր մասնակցել է ԿԺԴՀ-ում գործարկված հրթիռակրի շինարարությանը։
«Հարավային Կորեայի հետախուզության հայտարարությունները վերջին ժամանակաշրջանում սկսել են ավելի շատ «հայկական ռադիոն» հիշեցնել»,- գրել է Ռոգոզինը Twitter-ի իր բիկրոբլոգում, հաղորդում է ՌԻԱ Նովոստին։
ԿԺԴՀ-ն կիրակի օրը ժամը 9։01-ին բալիստիկ հրթիռ է գործարկել «Սոխե» տիեզերակայանից։ Ռյոնհապ գործակալությունը, հղում անելով Հարավային Կորեայի հետախուզությանը, հաղորդել է, որ հրթիռի որոշ բաղադրիչներ կարող էին բերվել Ռուսաստանից։ Միաժամանակ այդ հայտարարության հետ կապված այլ մանրամասներ կամ հաստատումներ չեն ներկայացվել։
