ԵՐԵՎԱՆ, 6 փետրվարի — Sputnik. 2015 թվականին ԱՄՆ-ի քաղաքացիությունից հրաժարվող մարդկանց թիվը ռեկորդային է եղել, գրում է ՌԻԱ Նովոստին՝ հղում անելով The Wall Street Journal-ին:
ԱՄՆ-ի ֆինանսների նախարարության տվյալների համաձայն՝ 2015 թվականին ԱՄՆ-ի քաղաքացիությունից հրաժարված մարդկանց թիվը հասել է գրեթե 4,3 հազարի:
«Դատելով ամենից՝ ողջ աշխարհում ավելի ու ավելի մեծ թվով ամերիկացիներ են համարում, որ ամերիկյան անձնագրի ու կացության երկարաժամկետ իրավունքի համար գործադրած ջանքերն արդարացված չեն»,- գրում է թերթը՝ ներկայացնելով միջազգային իրավունքի փորձագետ Էնդրյու Միթչելի խոսքը:
Քաղաքացիությունից հրաժարվելու պատճառ է դարձել այն, որ Միացյալ Նահանգներում հարկատուների նկատմամբ խստացվել է օֆշորային չհայտարարագրված հաշիվների քաղաքականությունը:
