ԵՐԵՎԱՆ, 7 փետրվարի- Sputnik. ՄԱԿ-ի գլխավոր քարտուղար Պան Գի Մունը Կորեայի Ժողովրդական Դեմոկրատական Հանրապետության կողմից բալիստիկ հրթիռի գործարկումից հետո կոչ է արել Փհենյանին դադարեցնել սադրիչ գործողությունները և հետևել միջազգային պարտավորություններին:
ՄԱԿ-ում նշել են, որ Փհենյանի կողմից բալիստիկ հրթիռի գործարկումն Անվտանգության խորհրդի բանաձևերի խախտում է:
«Շատ ցավալի է, որ չնայած միջազգային հանրության բոլոր կոչերին՝ ԿԺԴՀ-ն փետրվարի 6-ին բալիստիկ տեխնոլոգիա է գործարկել, որը ՄԱԿ-ի ԱԽ-ի համապատագսխան բանաձևերի խախտում է»,- ասվում է ՄԱԿ-ի մամուլի ծառայության հայտարարությունում:
«ՄԱԿ-ի գլխավոր քարտուղարը կրկին կոչ է անում ԿԺԴՀ-ին դադարեցնել սադրիչ գործողությունները և հետևել միջազգային պարտավորություններին»,- նշվում է հաղորդագրությունում:
Նա կրկին հայտարարել է, որ «պատրաստա է աշխատել բոլոր կողմերի հետ լարվածությունը նվազեցնելու և Կորեական թերակղզուն միջուկային զենքից զերծ պահելու համար»:
ԿԺԴՀ-ն բալիստիկ հրթիռ է գործարկել «Սոխե» տիեզերակայանից: 10 րոպե անց հրթիռն անցել է Ճապոնիայի Օկինավա պրեֆեկտուրայի օդային տարածքով: Ավելի ուշ ԱՄՆ-ն հայտարարել է, որ ԿԺԴՀ-ի հրթիռը գործարկվել է հարավային ուղղությամբ՝ Դեղին ծովի վրայով:
Հյուսիսային Կորեայի կենտրոնական հեռուստատեսությունը հայտարարել է, որ հաջողությամբ գործարկվել է «Քվանմյոնսոն 4» արհեստական արբանյակը:
