ԵՐԵՎԱՆ, 6 փետրվարի- Sputnik. Թուրքական Դիարբեքիրի կենտրոնում գործի են դրվել գնդացիրներն ու հրետանին: Պայթյունների ձայները տարածվել են ողջ քաղաքով, հայտնում է ՌԻԱ Նովոստին:
Շտապօգնության մեքենաները՝ ոստիկանների ուղեկցությամբ, շարժվել են դեպի բախումների վայր:
Դիարբեքիրի քաղաքապետ Ֆիրաթ Անլին հայտնել է, որ Դիարբեքիրի Սուրի շրջանի շուրջ 50 հազար բնակիչ լքել է իր տունը:
Թուրքիայի արևելյան և հարավարևելյան մի շարք շրջաններում պարետային ժամ է գործում դեկտեմբերից: Քուրդ ապստամբներն ակտիվացել են ու գիշերային ժամերին պարտիզանական գրոհներ են իրականացնում:
