ԵՐԵՎԱՆ, 6 փետրվարի — Sputnik. Թայվանում տեղի ունեցած երկրաշարժի զոհերի թիվը հասել է վեցի, ևս 378 մարդ հիվանդանոց է տեղափոխվել, հայտնում է ՌԻԱ Նովոստին՝ հղում անելով CTI հեռուստաընկերությանը:
Ավելի վաղ հայտնել էին, որ զոհվել է 5 մարդ, տուժել՝ 316-ը:
ԱՄՆ-ի երկրաբանական ծառայության (USGS) տվյալով` Թայվան կղզու հարավային մասում ուրբաթ գրանցվել է 6.4 մագնիտուդով երկրաշարժ (սկզբնական տվյալով՝ 6.7): Ցնցումներ են գրանցվել նաև շաբաթ օրը տեղի ժամանակով ժամը 3:57-ին (Երևանի ժամանակով՝ ուրբաթ, 23.57) Յույցզին (Yujing) քաղաքից 25 կմ հարավ: Օջախը գտնվում է 10 կմ խորության վրա:
ՉԺՀ Կարմիր խաչի կազմակերպությունը Թայվանին 2 մլն յուան է տրամադրել (300 հազար դոլար) երկրաշարժի հետևանքները վերացնելու համար:
Ներկա պահին փրկարարները շարունակում են աշխատանքները: Ավելի վաղ հայտնել էին, որ փլատակների տակից հաջողվել է դուրս բերել 221 մարդու:
