ԵՐԵՎԱՆ, 5 փետրվարի — Sputnik. Փետրվարի 5-8-ը ՀԱՊԿ միջազգային երկրորդ մոդել-խորհրդաժողովի ժամանակ խաղի ձևաչափով կմշակվի ՀԱՊԿ անդամ երկրների՝ «Իսլամական պետություն խմբավորման սպառնալիքներին համատեղ դիմակայելու մոդելը:
Խորհրդաժողովը կազմակերպել է «Կոնսենսուս» երիտասարդական հասարակական կազմակերպությունը՝ Ա.Մ. Գորչակովի անվան հանրային դիվանագիտության աջակցության հիմնադրամի հետ համատեղ: Խորհրդաժողովին կմասնակցեն Հայաստանի, Ռուսաստանի, Աբխազիայի. Բելառուսի ու Ղրղըզստանի միջազգային հարաբերությունների և անվտանգության ոլորտի առաջատար մասնագետները:
Մասնակիցները կստանձնեն ՀԱՊԿ անդամ մեկ այլ երկրի դերը և որոշակի ժամանակահատվածում կորոշեն, թե ինչպես օգնության հասնեն մյուս պետությանը, եթե նրա վրա հարձակվել է «Իսլամական պետությունը»:
Կազմակերպիչների խոսքով՝ միջոցառման գլխավոր նպատակը հասարակության, մասնավորապես երիտասարդության ուշադրությունը գլոբալ սպառնալիքների ուղղությամբ հավաքական դիմակայանման խդնիրների վրա սևեռելն է և ՀԱՊԿ առանձին կառույցների շրջանակում հնարավոր լուծումներ մշակելը:
«Մարդիկ հաճախ մասնակցում են մոդել-խորհրդաժողովների, սակայն Հայաստանում երբևէ չի անցկացվել այնպիսի մոդել, որը կներառեր եվրասիական հարթությունը, ԱՊՀ-ի կամ ՀԱՊԿ-ի երկրները»,- Sputnik Արմենիային ասաց կազմակերպիչներից մեկը՝ Բենիամին Մաթևոսյանը:
Նա նշեց, որ միջոցառումը կմիավորի ու կմոտեցնի տարբեր երկրների երկտասարդներին, որոնք մեծ հետարքրությամբ են շփվում իրար հետ: Խաղից հետո փորձագիտական խումբը կգնահատի աշխատանքը:
Հայաստանում Ռուսաստանի դեսպանության խորհրդական-դեսպանորդ Անդրեյ Իվանովը նշեց. «Մենք սիրում ենք աշխատել երիտասարդների հետ, հատկապես՝ այնպիսի արդիական թեմաների շուրջ, ինչպիսին ահաբեկչության սպառնալիքն է»:
«Կարծում եմ, որ իշխանական կառույցների մեծ մասը սիրում է աշխատել երիտասարդների հետ, և մենք ողջունում ենք այսօրինակ միջոցառումը: Այսօր մենք հետևում ենք, թե ահաբեկչության չարորակ ուռուցքն ինչպես է սողում Մերձավոր Արևելքից ու Հյուսիսային Ամերիկայից և տարածվում ողջ աշխարհում»,- նշեց նա:
Իվանովի խոսքով՝ երիտասադությունը պետք է նման իրավիճակներին դիմակայելու գործիքներին տիրապետի, տեսնի, թե ինչու են այս կամ այն իրադարձությունները տեղի ունենում, ինչն է ազդում տարածաշրջանային և համաշխարհային անվտանգությանը, որպեսզի գրագետ կերպով, յուրացրած մեթոդներով ու ձևերով լուծի իր առջև ծառացած խնդիրները:
