ԵՐԵՎԱՆ, 5 փետրվարի- Sputnik. Հայաստանի հանրապետական կուսակցությունը կազմված չէ հրեշտակներից, բայց պետք է գտնել համագործակցության հնարավորություններ երկրում դրական փոփոխություններ անցկացնելու համար, կարծում է ՀՅԴ խմբակցության քարտուղար Աղվան Վարդանյանը։ Հունվարին Դաշնակցություն կուսակցությունը հայտարարել է իշխող ՀՀԿ-ի հետ կոալիցիայի մեջ մտնելու իր որոշման մասին։
«ՀՀԿ-ն ոչ Զվարթնոցն է, ոչ էլե հրեշտակների տաճար։ Եվ նույնիսկ Դաշնակցությունն այդպիսին չէ։ Հասկանալի է, որ կլինեն տարբեր մոտեցումներ, տարբեր մարդիկ։ Բայց ցանկացած ուժ իր գիծն ունի։ Երկրում լուրջ խնդիրներ կան, և անհրաժեշտ են փոփոխություններ»,- Ազգային ժողովում ճեպազրույցի ժամանակ ասել է Վարդանյանը։
Նրա խոսքով` եթե իրենք համոզված չլինեն, թե ինչ են անում, նրանք դա չեն անի։ Նա ուշադրություն է դարձրել դեկտեմբերին տեղի ունեցած սահմանադրական հանրաքվեին` հիշեցնելով, որ շատ բան է փոխվել։
«Նոր համակարգը սկիզբ է դրել մեր երկրում միակուսակցական որոշումների վերջին։ Շատերը չեն ցանկանում դա տեսնել, բայց մենք փոխել ենք համակարգը»,- կարծում է Վարդանյանը։
Պատգամավորը կարծում է, որ աստիճանաբար պետք է ձևավորի նոր համակարգ, որտեղ տարբեր քաղաքական ուժերը կարող են բանակցություններ վարել։
Անդրադառնալով համագործակցության մասին համաձայնության հանգելու ժամանակավոր շրջանակներին` նա կրկնեց նախկինում արված հայտարարությունն այն մասին, որ ՀՀԿ-ի հետ հարաբերությունների ձևաչափ մշակելու համար ժամանակ է անհրաժեշտ։
«Մենք ցանկանում ենք երկրում կատարել ոչ մեծ, բայց դրական փոփոխություններ»,- հավաստիացրեց Վարդանյանը։
«Բարգավաճ Հայաստան» կուսակցության առաջնորդ Նաիրա Զոհրաբյանը նույնպես անդրադարձել է նոր կոալիցիայի ստեղծման հարցին, հաղորդելով, որ ցանկացած դեպքում իրենց կուսակցությունը չի պատրաստում ընդգրկվել հանրապետականների և Դաշնակցության հետ համագործակցության մեջ։
«Ինչպես էլ կոչվի այդ համագործակցությունը` «Հայկուշի կամ Վարդուշի» կոալիցիա, մենք չենք գնա դրան»,- ասաց Զոհրաբյանը։
Հայ ազգային կոնգրեսի խմբակցության ղեկավար Լևոն Զուրաբյանը բաց չթողեց ՀՀԿ-ի և ՀՅԴ-ի դեռ չկայացած համագործակցության մասին կատակելու առիթը` նրանց հարաբերությունները համեմատելով սիրավեպի հետ և ասելով, որ «շարունակական սիրավեպի համար նոր սցենար է պետք»։
Մեկնաբանելով այդ հայտարարությունը` ՀՀԿ խմբակցության ղեկավար Վահրամ Բաղդասարյանը հեգնանքով պատասխանեց. «Նման հայտարարություն են անում բոլոր տանը մնացածները»։
Նրա խոսքով` դաշնակների հետ բանակցությունները շարունակվում են, առաջիկայում նրանք կհայտնեն արդյունքների մասին։ Հանրապետականի խոսքով` նախարարական պորտֆելները հանձնելու հարցը դեռ չի քննարկվում։
