ԵՐԵՎԱՆ, 4 փետրվարի — Sputnik. Հայ պրոֆեսիոնալ բռնցքամարտիկ, աշխարհի չեմպիոն Արթուր Աբրահամը նորից հռչակվեց Գերմանիայի լավագույն մարզիկ, Facebook-ի իր էջում հայտնել է մարզիկի մամուլի քարտուղար Սիրան Գրիգորյանը։
Աբրահամն այդ կոչմանն արժանացել է գերմանական «BoxSport» ամսագրի ժյուրիի և ընթերցողների միջև անցկացված քվեարկության արդյունքում։ Այդ տիտղոսին նա արժանանում է արդեն յոթերորդ անգամ։
Արթուր Աբրահամի մարզիչ Ուլի Վեգները ևս հաղթող է ճանաչվել « Տարվա լավագույն մարզիչ» անվանակարգում. նա այս անվանակարգում հաղթում է արդեն 13-րդ անգամ:
