ԵՐԵՎԱՆ, 4 փետրվարի — Sputnik. Տավուշի մարզի Բերքաբեր գյուղում խուճապ չկա, Sputnik Արմենիա ռադիոկայանի եթերում ասաց գյուղապետ Արթուր Մադաթյանը` անդրադառնալով նախօրեին հնչած կրաոցներին, որոնց հետևանքով մեքենա էր վնասվել։
Մադաթյանը հայտնեց, որ բարեբախտաբար կրակոցներից վնասվել է միայն մեքենան, իրենց համագյուղացին որևէ վնասվածք չի ստացել։
«Այս պահին գյուղում հանգիսատ է։ Այստեղ մեկ կրակոցներ լինում են, հետո մի քանի ժամ չեն լինում։ Գյուղում ընդհանրապես խուճապ չկա»,- նշեց գյուղապետը։
Նա ավելացրեց, որ գյուղում ապրում են շատ հայրենասեր մարդիկ, ովքեր իրենց հայրենիքը, իրենց հողը պահում են։
