Զիկա վիրուսի արագ աճի պատճառով մի քանի երկրում արտակարգ դրություն է հայտարարվել։ Տեսանյութում դիտեք, թե ինչ կանխարգելիչ միջոցառումներ են իրականացվում Կարակասի փողոցներում և հիվանդության վերաբերյալ ինչ է հայտնում ԱՀԿ ներկայացուցիչը։
Զիկա վիրուսի վարակման դեպքեր են գրանցվել Հյուսիսամերիկյան-Հարավամերիկյան և Ասիական-խաղաղօվկիանոսյան տարածաշրջանների 27 երկրում։
Առողջապահության համաշխարհային կազմակերպությունը հայտարարել է, որ Զիկա վիրուսը գլոբալ սպառնալիք է, քանի որ հիվանդությունը շատ արագ է տարածվում, և Բրազիլիայում արդեն բնածին արատների հազարավոր դեպքեր են գրանցվել։
«Վարակը կյանքին վտանգ չի սպառնում, ինչպես ՄԻԱՎ-ը կամ Էբոլա տենդը։ Սակայն այս բավականին թեթև հիվանդությանը հաջորդող բարդացումները կարող են կործանարար ազդեցություն ունենալ առողջության վրա»,- հայտարարել է ԱՀԿ-ի ներկայացուցիչ Էնթոնի Կոստելոն։
Վարակի արագ տարածման պատճառով որոշ երկրներում արդեն արտակարգ դրություն է հայտարարվել։ Հոնդուրասի բնակիչներին հորդորում ենք հետևել տան մաքրությանը և փողոցում դրված ջրերի կոնտեյներները ներս տանել, քանի դրանք վարակը տարածող մոծակների համար սնուցիչ միջավայր են հանդիսանում։
