ԵՐԵՎԱՆ, 3 փետրվարի- Sputnik. А320 (չվերթ № 0955) ինքնաթիռը պետք է Մոսկվայից Թբիլիսի թռչեր Մոսկվայի ժամանակով 12։50-ին (Երևանի ժամանակով` 13։50)։
Ականատեսների խոսքով` ինքնաթիռի ձախ թևի ստորին հատվածում կրակ է առաջացել ինքնաթիռի թափավազքի ժամանակ։
«Երբ ինքնաթիռն արագություն էր հավաքում թռիչքուղու վրա, օդանավի ձախ թևի տակ կրակ նկատեցինք։ Հրամանատարն իսկույն դիմեց ինքնաթիռի ուղևորներին և հայտնեց տեխնիկական անսարքությունների մասին։ Ինքնաթիռը կանգնեց, և մեզ ասացին, որ կտեղափոխեն այլ ինքնաթիռ»,- ասել է ուղևորներից մեկը` Մոսկվայի բնակչուհին։
Կես ժամ անց ուղևորներին տեղափոխել են օդանավակայանի շենք, որտեղից նրանք պետք է նստեին մեկ այլ ինքնաթիռ։
