ԵՐԵՎԱՆ, 2 փետրվարի — Sputnik. Հայաստանի 3x3 բասկետբոլի մինչև 18 տարեկանների հավաքականը 2016 թվականի ամռանը կրկին կմասնակցի Եվրոպայի առաջնությանը, հաղորդում է ՀԱՕԿ լրատվության բաժինը:
Հայաստանի ընտրանին կունենա նոր գլխավոր մարզիչ, քանի որ ՀԲՖ-ն այլևս չի համագործակցելու Արեգ Վաթյանի հետ, ով գլխավորում էր 18 տարեկանների ընտրանին 2015 թվականին:
Ըստ հաղորդագրության` Արեգ Վաթյանը հեռացել է նաև Հայաստանի հավաքական թիմերի համակարգողի պաշտոնից:
